miðvikudagur, janúar 31, 2007

EF KARLMENN GENGU MEÐ BÖRNIN?

Væri barneignarfrí á fullum launum lágmark tvö ár...
Væri búið að finna lækningu við appelsínuhúð...
Væri "náttúruleg" fæðing úr sögunni...
Væri morgunógleði talið helsta heilsuvandamál þjóðarinnar...
Væri árangur getnaðarvarnapilla 100%...
Væru börn geymd á spítalanum þar til þau
kynnu sjálf að fara á kopp...
Væru menn æstir í að binda sig...
Væru tvíburar ekki svona rosalega krúttlegir í þeirra augum...
Yrðu synir að vera komnir heim af stefnumótinu klukkan tíu á kvöldin...
Væru skjalatöskur notaðar sem bleyjugeymsla...
Væru óléttuföt helsta tískuframleiðsla heims...
Væru þeir rúmliggjandi alla níu mánuðina...
Myndu konur stjórna heiminum...

...já, þessu litla innskoti stal ég frá einhverri barnalandssíðu... En annars er að allt gott að frétta af þessu öllu saman. Fyrstu 2 mánuðina léttist ég um 2 kg, en núna sirka síðustu 2 mánuði er ég búin að þyngjast um 6 kg, þannig að bumban er komin :) og viðbjóðslegu veikindin í byrjun, eru HORFIN!!!!! Núna virðist þetta ætla að verða mannsæmandi ástand, allavega í bili.
Annars, svo ég tali meira um þetta mál, að þá hrjáir mig svokölluð óléttu-gleymska. Það er eiginlega hægt að lýsa þessu sem "Alzheimer-Athyglisbrest". Mjög óþæginlegt. Ég get t.d. ekki munað hvort ég á að vera að gera eitthvað og fæ það á tilfinninguna að ég sé alveg örugglega ekki á réttum stað en veit samt ekki hvert ég á að fara = Alzheimer. Og svo ef einhver útskýrir eitthvað fyrir mér þá man ég bara það allra síðasta sem sá segir, en ekkert annað, og svo fer ég að tala um eitthvað allt annað = Athyglisbrestur. Svona hef ég aldrei verið áður, held ég...
Þið getið allavega rétt ímyndað ykkur hvernig er að vinna með mér :/
Jæja, kisskiss, þangað til seinna!

miðvikudagur, janúar 24, 2007

ég a reiknivel

Þessi Kaupþing auglýsing er fyndin. Það hlæja alltaf einhverjir af henni þegar hún kemur á bíótjaldið. John Cleese segir einmitt í einni auglýsingunni "300 thousand! Why do you even bother with these advertisement, why don´t you just give everyone a call?" Ég frétti að Köööööpþing auglýsingin öll hafi kostað um 80 milljónir. En það var einungis gerð auglýsingarinnar, þannig að við bætist kostnaður við að hafa hana í úvarpinu, bíóum, sjónvarpinu og í strætóskýlum. John Cleese fékk mig til að hugsa..JÁ, við ERUM suddalega lítil smáþjóð og svo fór mig að dreyma um alla þessa peninga. Afhverju gaf Kaupþing ekki Íslendingunum þessa peninga í staðinn fyrir venjulega auglýsingu? SNILLDARHUGMYND!
Svo tók mín fram reiknivélina...segjum að Kaupþing myndi gefa öllum Íslendingum milli 16 og 60 ára um 90 millj. Og segjum að Íslendingar séu um 200.000 stykki í þessum aldurshóp. Þá fær hver sinn 450 kall. Vá, takk.
Þetta ekkert svo miklir peningar.
Þetta er smápeningur.
Mér kýs John Cleese fram yfir 450 kall á reikninginn minn.

Jæja, góða nóóóótt
P.S. ég mæli með BABEL bíómyndinni.

sunnudagur, janúar 07, 2007

GLEÐILEGT NYTT AR!!!

Gleðilegt ár kæru blogglesendur! Árið 2006 var viðburðaríkt, ég til dæmis...

...ÚTSKRIFAÐIST sem tannmiður

...fékk MEGAS til að spila í afmæli afa míns

...fór HRINGFERÐ um Íslandið fríða

...JÚBÍLERAÐI með stæl á Akureyri

...varð ÓLÉTT

...fór til PARÍSAR í djammferð

...UPPGÖTVAÐI að á Íslandi þarf maður að kunna ensku til að kaupa brauð í bakaríi, fá kaffi á kaffihúsi og panta á veitingastað

...UPPGÖTVAÐI LÍKA að á Íslandi þarf utanríkisráðherra Íslands hinsvegar ekki að kunna að tala, skilja né skrifa ensku

Jæja, nóg í bili! Kisskiss!