Minningar-Ominningar

Ég fann fjársjóð. Ég fann allar mínar skóladagbækur, bréf og persónulegar dagbækur sem ég hef skrifað öll þau ár sem ég hef getað skrifað. Allt frá sætum barnalegum hugsunum yfir í fyndnar gelgjulegar pælingar. Ég sem hef haldið því fram að ég hafi aldrei farið á gelgjuskeiðið.....jú, það gerði ég. En eitt kom mér mest á óvart. Ég byrjaði að fikta við að reykja í frímínútum (eins og 90% af bekknum) þegar ég var á 14 ári. Núna er ég á 25 ári og er enn að fikta, úti á lífinu. Í 11 ÁR!!!!!!!!!!!! 11 ÁR!!!!!!!!!!! ELLEFU ÁR!!!!!!! EELLLEEFUUUU ÁÁÁÁÁRRR!
Þó að þessar staðreyndir komu mér úr jafnvægi í smá tíma, þá hjálpuðu þær mér að ákveða að nú er fiktið mitt Á ENDA. Þvílíkt endemis bévítans bandvitlausa rugl er þetta. Annað hvort sleppir maður þessu alveg eða reykir 1-2 pakka á dag. Ekki ætla ég að halda þessu sulli áfram, eina hér og eina þar! Oj , ég fer meira að segja hjá mér með því að segja ykkur frá þessari vitleysu.

"I am not young enough to know everything" -Oscar Wilde-