BLESS BLESS

jæja, þá er þetta blogg officially over and out. Ástæðan er einfaldlega þessi:

Takk fyrir mig og sjáumst kannski á myspace og facebook :)
Kyss kyss **

Frétt á Vísi.is í dag, þetta er eitthvað svo krúttlega skrifað :)

Það óhapp varð á Óseyri á Akureyri í gærkvöldi, að maður bakkaði bíl sínum óvart á kyrrstæðan og mannlausan bíl. En við það hrökk sá í gang og hélt af stað aftur á bak út í óvissuna, þartil hann rakst á kerru og staðnæmdist.

Eigandi bílsins, sem var með lyklana af honum í vasanum, stóð álengdar og horfði á uppákomuna, án þess að hafa ráðrúm til að bregðast við. Engin skýring er á þessum dularfullu viðbrögðum bílsins, nema að hann hafi ætlað að forða sér undan frekari pústrum, en þetta er lífsreyndur 25 ára dísilbíll.

hehehe:)

Blogg

Blogg er orðið eins og skýrsla til vina og vandamanna út um allan heim. Enda er enginn á sama stað lengur. Þetta er orðið svo alþjóðlegt að eiginlega ætti maður bara að blogga á ensku svo erlendu vinir manns geta lesið hvað maður er að gera líka.
Nú..hvað hefur maður verið að gera síðustu vikur...jah fyrir utan barneignir og það stúss.
Jú, ég fór í saumaklúbb, það var gaman, Rebekka kom með bestu frönsku súkkulaðitertu sem ég hef smakkað, og ég hef smakkað mjög margar.
Svo fór ég í brúðkaup hjá Emblu frænku minni sem var að giftast honum Gunna sínum. Embla er elst af okkur systkinabörnunum og þar af leiðandi fyrirmynd okkar hinna. Kannski ég giftist þá honum Sverri mínum vegna þessa? Það er aldrei að vita. Þetta var annars mjög vel heppnað brúðkaup, mjög afslappað, góður matur, unaðslegur eftirréttur, skemmtileg skemmtiatriði og besta og fyndnasta ræða EVER sem móðir brúðarinnar flutti, ég hélt ég myndi míga á mig. Þessi kona er snillingur. Hún má halda ræðu hvenær sem er og hvar sem er! Hún væri bara að gera heiminum greiða með því.
Nú, svo er maður búinn að ferðast hingað og þangað, þ.e.a.s. til Skagastrandar og Selfoss þar sem foreldrar okkar skötuhjúanna búa. Þangað fer maður um helgar til að borða, sofa og láta einhvern annann halda á frumburðinum. Voða næs.
Jú svo átti ég sko afmæli um daginn. Það var yndislegur dagur. Við fórum bara tvö saman út um allann bæ að versla allskonar fínerí handa ungfrú afmælisbarninu:mér og svo um kvöldið fórum við rómantískt út að borða. Við fórum bara heim á 2-3 tíma fresti til að gefa krúttinu að drekka.
Þetta var alveg himneskur dagur.

Ég ætla nú að reyna að vera duglegri að blogga hér, fyrst að það er komin barnanetssíða á www.barnanet.is/idunnberndsen.

Þangað til næst!

Vá ég fæ ekki nóg af því að setja myndir af henni hér á bloggið. Ég þarf að fara að opna sér myndasíðu fyrir hana svo ég geti byrjað að blogga eitthvað aftur.

Breyting

Hérna er "tveggja vikna" myndin :) Loksins náðist mynd af henni með augun opin...hehehe....svaf MIKIÐ fyrstu dagana. Það er semsagt eitthvað farið að minnka.
En allavega, eftir að ég varð foreldri þá hefur líf mitt ekki breyst neitt gríðarlega...ekki ennþá allavega, ég veit, það eru svosem bara tvær vikur komnar, en ætli ég sé ekki bara meira heima hjá mér = sem er gott, og svo er ég meira niðrí bæ á röltinu = sem er líka gott. Ég hef minni áhyggjur af ástandinu í Mið-Austurlöndum = sem er mjög gott. Ég sé börn með öðrum/betrr augum núna = líka mjög gott. Já, ég er ekki frá því að ég sé orðin ögn jákvæðari og væmnari = örugglega bara gott.
Niðurstaðan er semsagt mjög góð. Þetta var góð og yndisleg breyting á lífi mínu :)

Hun er komin :) þessi elska!

aðfaranótt mánudags, 23.júlí, kom litla stelpan okkar í heiminn, heima hjá sér :) Það gekk eins og í ævintýri :):):):) Hún var að vísu stór, tæpar 16 merkur. Eða réttara sagt 3890 gr og 51.5 cm. Hún er bara viku gömul í dag!!!
Það er búinn að vera mikill gestagangur allan tímann og ég er núna í fyrsta skipti ein með henni, þannig að ég stalst í tölvuna..hehehe...meðan hún sefur.
Hér er mynd af litlu ljónynjunni minni 6 daga gamalli:

það er ótrúlegt hvað það er hægt að elska eina litla manneskju mikið.

Where is the baby?

Bara svona að tilkynna í gamni, að það er ekkert að gerast enn. Ég á örugglega ekki eftir að fæða fyrr en í ágúst með þessu framhaldi...


erum við ekki fínar :)