Shit...ég er enn að reyna að ná mér yfir ákveðinni manneskju sem tókst að eyðileggja ALLT fyrir mér í heila viku af mínu dýrmæta sumarfríi.aaaaaaahhhhhhhhh hvernig getur 28 ára maður vælt og veinað, farið í fýlu og verið með stæla eins og andskotans ofurdekrað krakkafífl Í HEILA VIKU. heila viku, en það versta er að það á eftir að taka mig meira en viku að jafna mig á þessu ofvaxna mannbarni. Nei, annars skil ég ekki af hverju ég er að láta hann fara svona mikið í taugarnar á mér og taka alla orku úr mér. Hann var svona orkuryksuga sem gaf ekkert tilbaka. Þetta var norskur túristi sem ég var að sjá um og sýna hið mikla Ísland. Allt var ómögulegt, hann gat ekki farið í sund því hann átti ekki sundskýlu og eftir að hafa keyrt hann niðrí bæ, í kringluna og í smáralindina til að finna fjandans sundskýlu handa honum og alltaf heyrðist "nei, ég vil ekki rauða", "en þessi er ekki með reim", "ég vil ekki svona merki", þá lét hann mig bíða í 40 mínútur lengur(örugglega til að vera viss um að sólin myndi hverfa) þangað til að hann var "með höfuðverk" og hann fór svo aldrei í sund. Ég var manneskjan með höfuðverk. "Pylsurnar hérna eru vondar" "oj, það er blautt úti" "þurfum við að fara aftur út" "ég er svangur" "ég sé eftir að hafa pantað þetta" " ég er ekki saddur" " þetta var vont" "mér er illt í maganum". Svo nennti hann ekki í hraðbanka og var með útlenskt kort sem virkaði ekki 2svar sinnum og ég þurfti að borga fyrir hann, "þú færð þetta bara borgað til baka þegar við komum aftur til Reykjavíkur", mannskepnan fór svo úr landi án þess að borga mér 9000kr mínar, lét kærustu sína senda mér sms kvöldið áður en ég ætlaði góðfúslega að vakna snemma og keyra þau til Keflavíkur "við tökum bara flybus svo þú þurfir ekki að vakna, bæbæ" afhverju lét hann hana bara ekki senda mér "við tökum bara flybus svo ég þurfi ekki að borga þér 9000kr". Ég sé í raun alvarlega mikið eftir þessum peningum. Ég sé í raun alvarlega mikið eftir að hafa tekið mér frí frá vinnunni í heila viku til að sýna honum Ísland. Ég sé í raun alvarlega eftir því að hafa sýnt honum Ísland. Ég er í raun alvarlega fúl.